Nostra Lenga – Pimpè

Episode 46 : Pimpè !
Extrait musical : “Pimpè”, par Chantal SOULIE AZEMAR, de Réquista (Aveyron), collecté en 2023 par l’Institut Occitan d’Aveyron
Source : https://www.occitan-aveyron.fr/fr/diffusio/source/requista/pimpe_SRC28847

Pimpè s’es copat la camba, Pimpé s’es copat lo pè ! Çaquelà : coma dança ben / La palhassa, la palhassa / Ò ! coma dançan ben / La palhassa sens argent ! / Pimpè, Pimpè, Pimpè !
Es tant pimpinha aquel Pimpè, un besuquet, un pimpilhós : il est si délicat. La pimpinèla es una planta que fa las filhas bèlas : val l’òr la pimpinèla mas l’òr non la val pas ela !
En Daufinat, pimpinèla designa tanben la bèstia del bon dieu, la catarineta (la coccinelle). La pimpa-vòla es tanben un insècte. Un pimpin en Bearn est une personne à la mine pincée qui fait la précieuse. Un pimpinha, en Lemosin, es una persona que manja gaire, a pichons bocins.
Aquel arpalhand los gendarmas l’an pimpit : les gendarmes l’ont pincé. Aviá raubat tres pès de pimpareletas : de pâquerettes e un ramelet de pimparèls, de boutons d’or.. Ensagèt de s’escapar en faguent de pimparelets : des cabrioles.
Se soveniá de quand èra pichon e que canturlejava : pimpa una, pimpa doas, quina aimas mai d’aquelas doas ? Parole que dit un enfant lorsqu’il veut faire découvrir dans qulle main il cache des noisettes ou des billes.
Anem, amb nòstras voses de pimparrins, de mésange bleue, nos sèm plan ganhats la pimpa-seca, la morue sèche. Aquò nos farà pimpejar, boire, coma l’escriviá un felibre : a taula, sota aquesta trilha, vòli pimpejar tot lo jorn !

Mar Nòstra

Ne saber mai