Nostra Lenga – Pichon

S’escotatz aqueles mots de Frederic Mistral, plan segur qu’avètz pas pichons sentiments, (sentiments bas) e que sètz pas de pichons esperits (de petits esprits).

Benlèu, sètz la Margaridon qu’a pè petiton o alara fasètz virar vòstras pichòtas mans coma lo molinièr-fornièr de Cucunhan, encara qu’el a de bravas patassas.

Mas aquela Margaridon, quina brava pichona ! Quelle brave fille !

Mèfi, que me vesi pichon : je me trouve dans un danger imminent. Es pas lo moment de levar lo pichòt det.

Alara escota aquela cançoneta pichoneta :

lo cosin del pichòt det

ié cantava al pichonet :

anirem al barri

Caçarem de garris*

Quand n’aurai, te’n donarai

Quand n’auràs, me’n donaràs

E malgrat ton saber pichonàs, ton savoir très mince, apren que :

Un pichòt sac es lèu plen ; pichòt venem, pichòt tornam ; pichòta bèstia pareis totjorn polin** ; lo pichon peis manja jamai lo gròs ; al mai pichona es la bèstia, al mai de verin*** a ; qual non pren garda a las pichonas causas, las gròssas li mancan.

* rat

** poulain

*** venin

(FR) Dans la chronique en occitan “Nòstra lenga es un tresaur”, Roxane nous partage des explications sur des mots occitans, sur la base du dictionnaire provençal-français « Lou Tresor dóu Felibrige », composé par l’écrivain de langue provençale et prix Nobel de littérature Frédéric Mistral. Loin d’être centré sur la variante provençale de l’occitan, cet ouvrage regroupe l’intégralité des langues d’oc sous l’appellation « langue provençale » alors usitée au XIXème siècle. Chroniques écrites par Alan Roch, et animées par Roxane Sourbier (alias Roxitanie, sur Instagram).

(ÒC) Dins la cronica en occitan “Nòstra lenga es un tresaur”, Roxane nos parteja d’explicacions sus de mots occitans, sus la basa del diccionari provençal-francés « Lou Tresor dóu Felibrige », compilat per l’escrivan en lenga provençala e laureat del prèmi Nobel de literatura Frédéric Mistral. Luènh d’èsser focalizat unicament sus la varianta provençala de l’occitan, aquela òbra englòba totas las lengas d’òc jol tèrme de « lenga provençala », coma èra alara coneguda al sègle XIX. Cronicas escrichas per Alan Roch, e presentadas per Roxane Sourbier (alias Roxitanie, sus Instagram).