Nostra Lenga – Prestar
29 June 2026
Episode 41 : Prestar
La formiga, nos ditz la faula, es pas prestaira. Prèsta pas d’argent darrièr la pòrta : prêter de l’argent sans titre et sans témoin. Vos cal pas comptar sus ela per un prestar a pagar jamai : un prêt à ne jamais rendre. Prèsta pas la man : prestar la man, c’est donner un coup de main. Mas li arriba de prestar son nas pertot : mettre son nez partout. La carabena vesina li ditz : prèsti e rompi pas. Quand se met a taula, demanda a la vesina : prèsta-me lo pan : fais-moi passer le pain.
Sa farda es pas prestadissa : on ne prête pas le linge. Se prèsta pas, vos pòt çaquelà balhar unes reprovèrbis :
Argent prestat fa ganhar. E son contrari : prestar fa pèrdre. Prestar gasta e donar pèrd. Qual prèsta, sovent se crèsta. Qual prèsta sus lo jòc, pissa sul fuòc. Qual prèsta sa bèstia e mena sa femna a la fèsta, a la fin de l’an es cocut e n’a ges de bèstia ; cal pas prestar ni son chaval, ni son fusilh, ni sa femna. A prestar, cosin german ; a rendre, filh de putan. Qui vòl plan far sos afars, que prèste pas jamai. Aprèp presteson, venon pagueson.
Per la realizacion d’aquesta cronica, nos ameritariam plan de tocar lo prèst dels soldats, la solde.
L’avèm fata sens prèsta-man, sens rèsta-nom e sens prèsta-morre. Un prèsta-morre, c’est un comparse, un figurant !
Èra la darrièra cronica de l’annada, doncas vos desiri un bon estiu !
(FR) Dans la chronique en occitan “Nòstra lenga es un tresaur”, Roxane nous partage des explications sur des mots occitans, sur la base du dictionnaire provençal-français « Lou Tresor dóu Felibrige », composé par l’écrivain de langue provençale et prix Nobel de littérature Frédéric Mistral. Loin d’être centré sur la variante provençale de l’occitan, cet ouvrage regroupe l’intégralité des langues d’oc sous l’appellation « langue provençale » alors usitée au XIXème siècle. Chroniques écrites par Alan Roch, et animées par Roxane Sourbier (alias Roxitanie, sur Instagram).
(ÒC) Dins la cronica en occitan “Nòstra lenga es un tresaur”, Roxane nos parteja d’explicacions sus de mots occitans, sus la basa del diccionari provençal-francés « Lou Tresor dóu Felibrige », compilat per l’escrivan en lenga provençala e laureat del prèmi Nobel de literatura Frédéric Mistral. Luènh d’èsser focalizat unicament sus la varianta provençala de l’occitan, aquela òbra englòba totas las lengas d’òc jol tèrme de « lenga provençala », coma èra alara coneguda al sègle XIX. Cronicas escrichas per Alan Roch, e presentadas per Roxane Sourbier (alias Roxitanie, sus Instagram).
French 
Occitan