Nostra Lenga – Rafatal

Dins lo Carnaval, se marida lo rafatal. Se l’òm aviá causit rafatèl o rafatum, i auriá pas agut la rima amb Carnaval. Mas de rimalhas de rimassejaire, per vos es pas que de rafatalha : du fretin, des choses au rebut, des restes, des débris, de la ferraille (de gargavalha, de ravan), e sètz vos que sètz benlèu de rafatalha (de la racaille, la lie du peuple), montat sus un rafard (un mulet qui a cinq ans passés) ; rafard, est aussi un terme injurieux pour désigner un garçon de ferme. Un rafard es tanben un rasim pas bon.

Puslèu que de rafegar (fouiller, fureter, brouiller, déranger), borrolhar, tafurar las pèiras de rafega (les pierres qui se détachent en feuilles comme l’ardoise dans le Tarn), o de rafetar (râler, tousser), poiriam partir a la caça al rafaud : levraut trois quarts, qui est presque parvenu à la grosseur d’un lièvre, una lèbre que s’aganta jamai mena de rafanhaud (farfadet, diablotin) o de rafanhauda (bête noire, être imaginaire). E d’imaginacion ne caliá per vos divertir d’aquesta rafalada de mots !

(FR) Dans la chronique en occitan “Nòstra lenga es un tresaur”, Roxane nous partage des explications sur des mots occitans, sur la base du dictionnaire provençal-français « Lou Tresor dóu Felibrige », composé par l’écrivain de langue provençale et prix Nobel de littérature Frédéric Mistral. Loin d’être centré sur la variante provençale de l’occitan, cet ouvrage regroupe l’intégralité des langues d’oc sous l’appellation « langue provençale » alors usitée au XIXème siècle. Chroniques écrites par Alan Roch, et animées par Roxane Sourbier (alias Roxitanie, sur Instagram).

(ÒC) Dins la cronica en occitan “Nòstra lenga es un tresaur”, Roxane nos parteja d’explicacions sus de mots occitans, sus la basa del diccionari provençal-francés « Lou Tresor dóu Felibrige », compilat per l’escrivan en lenga provençala e laureat del prèmi Nobel de literatura Frédéric Mistral. Luènh d’èsser focalizat unicament sus la varianta provençala de l’occitan, aquela òbra englòba totas las lengas d’òc jol tèrme de « lenga provençala », coma èra alara coneguda al sègle XIX. Cronicas escrichas per Alan Roch, e presentadas per Roxane Sourbier (alias Roxitanie, sus Instagram).